All Fréijoer verwandelt sech d’Sportshal an e faarwege Maart. D’Kanner vum Cycle 2 hunn am Virfeld fläisseg gebastelt, an hir selwer gemaate Saachen — Dekoratiounen, kleng Konschtwierker a Guddes — ginn um Fréijoersmaart verkaf. Elteren, Grousselteren a Frënn kommen laanschtgekuckt, kafen, schwätzen a genéissen d’Ambiance. D’Recette kënnt de Schoulprojeten zegutt.
E flotte Moment, wou d’ganz Schoulgemeinschaft zesummekënnt an d’Aarbecht vun de Kanner gewierdegt gëtt.