Am Joer 2021 hu mir eng Ausbildung zum Waldpädagog gemaach, an 2022 hu mer eng éischt Versioun vun eisem Konzept eise Partner (Schoulcomité, Regionaldirektioun, Gemeng, ANF, Maison relais) virgestallt. Unhand vun de wäertvollen Erfarungen, déi mir an de leschte 4 Joer iwwert d’Léieren am Bësch mat eise Klassen dobausse gemaach hunn, hu mir eist Konzept ëmmer rëm ugepasst.
Moies bidde mir de Kanner d’Méiglechkeet, dobaussen natëerlech a geleete Léiersituatiounen ze begéinen an dës ze notzen, fir hir Kompetenze weider ze entwéckelen. Op den 3 Nomëtteger schaffe mir dobannen an eisem Klassesall weider.
Falls dir Froen zu eise Bëschklassen hutt oder interesséiert sidd, äert Kand an eng vun eise Klassen anzeschreiwen, da kontaktéiert eis per Mail an hannerloosst eis är Telefonsnummer: